Վրաստանում քաղաքացիական հասարակությանը աջակցելը դժվար է, քանի որ կառավարությունը շատ ուշադիր է վերաբերվում նրան, թե ում ենք մենք գումար տալիս,- ասաց ընդլայնման հարցերով եվրահանձնակատար Մարթա Կոսը՝ ԵՄ ընդլայնման ֆորումում Վրաստանի մասին հարցին պատասխանելով։

Նրա խոսքով՝ Վրաստանի ներկայացուցիչը նույնպես ներկա է եղել ԵՄ թեկնածու երկրների քաղաքացիական հասարակության ներկայացուցիչների հետ հանդիպմանը։

«Ինչ վերաբերում է Վրաստանում քաղաքացիական հասարակությանը աջակցելուն, չնայած հիմա դժվար է, քանի որ կառավարությունը շատ զգույշ է վերաբերվում նրան, թե ում ենք մենք գումար տալիս, ֆինանսական օգնությունը կրկնապատկվել է և ավելի շատ կլինի։ Մենք հիմա փնտրում ենք նրանց գումար փոխանցելու եղանակներ՝ առանց նրանց վնասելու։ Օրինակ՝ անցյալ շաբաթ ես երկխոսություն ունեցա թեկնածու երկրների քաղաքացիական հասարակության ներկայացուցիչների հետ, որտեղ ներկա էր նաև Վրաստանի ներկայացուցիչը», – ասաց Կոսը։