ԱՄՆ պետքարտուղար Մարկո Ռուբիոն ասում է, որ ԱՄՆ-ն կամ լավ գործարք կունենա Իրանի հետ, կամ Թեհրանի հետ կվարվի «այլ կերպ»։

Նրա խոսքով, ԱՄՆ-ն դիվանագիտությանը կտա հաջողության հասնելու բոլոր հնարավորությունները, նախքան Իրանի հետ վարվելու հնարավոր այլընտրանքները ուսումնասիրելը։

Բացի այդ, պետքարտուղարը Հնդկաստան պաշտոնական այցը սկսելուց առաջ լրագրողներին ասաց, որ նախագահ Թրամփը չի կնքի Իրանի հետ այնպիսի գործարք, որը անբարենպաստ կլինի ԱՄՆ-ի համար։

«Դա դեռևս ընթացքի մեջ է։ Ինչպես ասացի, մենք երեկ երեկոյան մտածեցինք, որ կարող ենք ինչ-որ նոր բան ունենալ։ Դա կարող է տեղի ունենալ այսօր։ Նախագահ Թրամփը չի կնքելու վատ գործարք։ Նա պարզապես չի կնքելու։ Ոչ ոք այս հարցին ավելի լուրջ չի վերաբերվում, քան նախագահ Թրամփը, և ոչ ոք ավելի լուրջ չի վերաբերվում իրանական միջուկային սպառնալիքին։ Այնպես որ, ես վստահ եմ, որ մենք կամ լավ գործարք կունենանք, կամ ստիպված կլինենք այլ կերպ վարվել։ Մենք կնախընտրեինք լավ գործարք ունենալ», – ասաց Մարկո Ռուբիոն։