Էկոնոմիկայի և կայուն զարգացման նախարար Մարիամ Քվրիվիշվիլին հանդիպել է Չինաստանի Ժողովրդական Հանրապետության դեսպան Չժոու Ցյանի հետ։

Ըստ Էկոնոմիկայի նախարարության՝ հանդիպմանը քննարկվել են երկու երկրների միջև առևտրատնտեսական հարաբերությունների հարցերը և դրանց հետագա զարգացման հեռանկարները։

«Զրույցի ընթացքում նախարարը ընդգծել է առևտրաշրջանառության աճող դինամիկան և նշել, որ Չինաստանը Վրաստանի խոշորագույն առևտրային գործընկերներից մեկն է։ Բացի այդ, ուշադրություն է դարձվել Միջին միջանցքի կարևորությանը։

Զրույցում անդրադարձ է եղել Էկոնոմիկայի նախարարի Չինաստան կատարած այցին և կենտրոնացել ձեռք բերված առաջընթացի և ապագա հեռանկարների վրա։

Այս առումով շեշտը դրվել է Չինաստանի և Վրաստանի միջև կնքված Համապարփակ ռազմավարական գործընկերության համաձայնագրի վրա։ Ինչպես նշվել է, համաձայնագրի ստորագրումը նոր խթան կհաղորդի երկու երկրների տնտեսական կապերի խորացման գործընթացին։

Զրույցի ընթացքում ուշադրություն է դարձվել քաղաքացիական ավիացիայի և զբոսաշրջության ոլորտներում համագործակցության խորացման հարցին։

Հանդիպմանը մասնակցել են Էկոնոմիկայի և կայուն զարգացման փոխնախարարներ Թամար Իոսելիանին և Գենադի Արվելաձեն», – նշվում է Էկոնոմիկայի նախարարության տեղեկատվության մեջ։