Ուկրաինայի չմիակցված և ոչ միջուկային կարգավիճակը այդ երկրի անվտանգության իրական երաշխիքն է, – այս մասին հայտարարել է Ռուսաստանի Արտաքին գործերի նախարարության պաշտոնական ներկայացուցիչ Մարիա Զախարովան։

Զախարովան այս հայտարարությունն արել է մամուլի ասուլիսում։

«Հիշեցնենք, թե որն է Ուկրաինայի համար անվտանգության իրական երաշխիքը – դրա վերադարձը այն հիմնարար փաստաթղթերին, որոնց վրա հիմնված էր նրա անկախությունը, ինքնիշխանությունն ու պետականությունը», – նշել է Մարիա Զախարովան։

Նրա խոսքով, այդ փաստաթղթերում ամրագրված էր ոչ միջուկային, չեզոք, չմիակցված կարգավիճակ, ինչը հանդիսանում է Ուկրաինայի անվտանգության երաշխիք։

«Սա է այն, ինչը հենց ինքն էր սահմանել իր համար, երբ ստանձնել էր պարտավորություն ապրել միջազգային իրավունքի համաձայն, լինել ինքնիշխան, անկախ պետություն և վարել խաղաղ քաղաքականություն», – ընդգծել է Զախարովան։