Մարիա Զախարովա. Ռուսաստանը պատրաստ է դիտարկել ուկրաինական հակամարտության վերաբերյալ ցանկացած խաղաղ նախաձեռնություն, որը հաշվի կառնի Ռուսաստանի շահերը և իրավիճակը տեղում
Ռուսաստանը պատրաստ է դիտարկել ուկրաինական հակամարտության հետ կապված ցանկացած իրատեսական խաղաղ նախաձեռնություն, որը հաշվի կառնի Ռուսաստանի շահերը և տեղում տիրող իրավիճակը, ասել է Ռուսաստանի արտաքին գործերի նախարարության խոսնակ Մարիա Զախարովան։
Նրա խոսքով՝ Ռուսաստանը բաց է բանակցությունների համար։
«Մենք բաց ենք բանակցությունների համար։ Իհարկե, մենք պատրաստ ենք դիտարկել ցանկացած իրատեսական, չքաղաքականացված նախաձեռնություն»,- ասել է Զախարովան։
Ինչպես նշել է Մարիա Զախարովան, Ռուսաստանը նման բանակցությունները դիտարկելու է միայն Մոսկվայի շահերը հաշվի առնելով։
«Եվս մեկ անգամ ուզում եմ ընդգծել. առանցքային արտահայտությունները հաշվի են առնում մեր երկրի շահերը, տեղում տիրող իրավիճակը և համապատասխան պայմանավորվածությունների կատարման երաշխիքները», – ասել է Զախարովան։