ԱՄՆ գործող նախագահ Դոնալդ Թրամփն իսկապես փորձում է փրկել երկիրը, ինչպես ինքն է համարում նպատակահարմար, չնայած նրա որոշ մեթոդներ ընդունելի են, իսկ մյուսները՝ ոչ, ասել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Ըստ Զախարովայի, ԱՄՆ նախագահը իշխանության է եկել երկիրը փրկելու օրակարգով, և ԱՄՆ տնտեսական ցուցանիշները ցույց են տալիս, որ երկիրն իսկապես փրկության կարիք ուներ։

«Նրա կողմից օգտագործվող մեթոդները տարբեր են։ Որոշները մեզ համար հասկանալի են, նույնիսկ ընդունելի։ Որոշները՝ ոչ, և սա փաստ է, բայց նա աշխատում է իր երկիրը փրկելու համար. նա դա պնդում է։ Նա այն կփրկի այնպես, ինչպես հասկանում և գիտի, այդ թվում՝ այն ձևով, որով իր ընտրողները նրան իշխանություն են տալիս։ Սա իսկապես այդպես է, սա ճիշտ է», – ասել է Զախարովան։