Մարիա Կորինա Մաչադոյի՝ Դոնալդ Թրամփին Նոբելյան խաղաղության մրցանակ շնորհելու ցանկության մասին հայտարարությունից հետո Նոբելյան ինստիտուտը պարզաբանել է, որ մրցանակը չի կարող փոխանցվել այլ անձի
Մարիա Կորինա Մաչադոյի՝ Դոնալդ Թրամփին Նոբելյան խաղաղության մրցանակ շնորհելու ցանկության մասին հայտարարությունից հետո Նոբելյան ինստիտուտը պարզաբանել է, որ մրցանակը չի կարող փոխանցվել այլ անձի։ Այս մասին գրում է Reuters-ը։
Նորվեգական Նոբելյան ինստիտուտի հայտարարության մեջ նշվում է, որ խաղաղության մրցանակը չի կարող փոխանցվել, կիսվել կամ չեղյալ հայտարարվել։
Հայտարարության մեջ ասվում է, որ Նոբելյան խաղաղության մրցանակ շնորհելու որոշումը վերջնական և մշտական է և չի կարող բողոքարկվել։
Կազմակերպությունը նաև նշել է, որ մրցանակաբաշխության հանձնաժողովները չեն մեկնաբանում դափնեկիրների գործողությունները կամ հայտարարությունները մրցանակը ստանալուց հետո։
Մաչադոն Fox News-ին տված հարցազրույցում ասել է, որ ԱՄՆ նախագահ Դոնալդ Թրամփին Նոբելյան խաղաղության մրցանակ շնորհելը կլինի Վենեսուելայի ժողովրդի երախտագիտության արտահայտություն։
Տեղեկատվության համար՝ 2025 թվականի Նոբելյան խաղաղության մրցանակը շնորհվել է Վենեսուելայի ընդդիմադիր քաղաքական գործիչ Մարիա Կորինա Մաչադոյին։ Ինչպես նշված է Նոբելյան կոմիտեի հայտարարության մեջ, Մարիա Կորինա Մաչադոն մրցանակը ստացել է Վենեսուելայի ժողովրդի ժողովրդավարական իրավունքների համար իր անխոնջ աշխատանքի և բռնապետությունից ժողովրդավարության արդար և խաղաղ անցման հասնելու համար իր պայքարի համար։