«Ես երբեք ոչինչ չեմ թաքցրել։ Իմ կնոջ անունով գրանցված գույքի հարկը հենց մենք ենք հայտնաբերել և դիմել համապատասխան կառույցին», – այս մասին հայտարարել է «Լելո – Ուժեղ Վրաստանի համար» կուսակցության ղեկավար Մամուկա Խազարաձեն։

Նրա խոսքով՝ պարզ դեպք էր, որ Գերմանիայի դեսպանը նրա կնոջից՝ գործակալության միջոցով, գույք է վարձակալել։

«Ես երբեք ոչինչ չեմ թաքցրել։ Ինքս եմ հայտնաբերել, որ իմ կնոջ անունով գրանցված գույքի հարկի խնդիր կա։ Մենք դիմել ենք համապատասխան մարմնին, սակայն փոխարենը մեզ հետ ճշտելու՝ սկսվեց հեռուստատեսային արշավ, որը սկսվեց խորհրդարանի նախագահի մակարդակով։ Նույնիսկ այսպես կոչված վարչապետը մեկնաբանություններ էր անում հարկային անճշտությունների վերաբերյալ մեկ ամիս շարունակ։ Այս ամենն ավարտվել է՝ գումարը վճարված է, տուգանքի չափը մենք ենք որոշել և նախապես փոխանցել։ Ինչ վերաբերում է հայտարարագրի չլրացմանը, դրա համար ինձ տուգանել են 2000 լարով։ Սա հերթական փորձ է՝ թաքցնելու այն միլիոնները, որոնք Բիձինա Իվանիշվիլիի նախարարներն են գողացել, պահում են տանը և ազատ շրջում են։ Գույքի վերաբաշխում է տեղի ունենում կլանների միջև՝ այն գույքի, որը գողացվել է վրաց ժողովրդից։ Այս ամենը փորձում են ծածկել 2000 լարիանոց տուգանքով։ Չի ստացվի։ Այս հանցագործությունները ոչ ոք չի կարող թաքցնել։ Մենք շարունակելու ենք պայքարը։ Չեք կարող վախեցնել մեզ նույնիսկ բանտով», – հայտարարել է Մամուկա Խազարաձեն։