Մամուկա Խազարաձե. Մոտ հինգ տարի հետո, եթե մենք լինեինք իշխանության ղեկին, ես Վրաստանը կդարձնեի ծագող աստղ ոչ միայն տարածաշրջանի, այլև այս կիսագնդի
Մոտ հինգ տարի հետո, եթե մենք լինեինք իշխանության ղեկին, ես Վրաստանը կդարձնեի ոչ միայն տարածաշրջանի, այլև այս կիսագնդի ծագող աստղը,- այս մասին տեսաուղերձում հայտարարել է «Լելոյի» առաջնորդ Մամուկա Խազարաձեն:
Խազարաձեի խոսքով, առաջին հերթին Վրաստանը պետք է վերականգնի իր առաքելությունը, առանց նրա տարածաշրջանում ոչ մի կարևոր բան չպետք է տեղի ունենա։
«Ես սա ասում եմ ողջ պատասխանատվությամբ, դա կլիներ և կլինի այն վայրը, որտեղ առաջին հերթին մեր արտագաղթածները ցանկություն կունենան անմիջապես վերադառնալ Վրաստան և մասնակցել այս գործընթացին, քանի որ ես տեսնում եմ մեծ էներգիա և մեծ ներուժ հենց նրանց մեջ: Դա կլինի մի վայր, որտեղ կհավաքվեն նորարարությունները, տեխնոլոգիաները, և այդ բոլոր տաղանդավոր մարդիկ, մեր քաղաքացիները և օտարերկրացիները կգան այստեղ՝ իրականացնելու նմանատիպ նախագծեր, դա վերաբերում է ՏՏ և տարբեր նորարարական տեխնոլոգիական ուղղություններին։ Վրաստանը կդառնա իրական հանգույց՝ առաքելությամբ: Առաջին հերթին մենք պետք է վերականգնենք առաքելությունը, որ առանց Վրաստանի տարածաշրջանում ոչ մի կարևոր բան չպետք է տեղի ունենա»,- ասել է Մամուկա Խազարաձեն։