Այսօր ՏԻՄ ընտրությունների մասին խոսելը դավաճանություն է այն մարդկանց նկատմամբ, ովքեր բանտում են և պահանջում են նոր ընտրություններ,- ասել է «Լելոն հանուն Վրաստանի» կուսակցության առաջնորդներից Մամուկա Խազարաձեն։

Նրա խոսքով, ՏԻՄ ընտրությունները Բիձինա Իվանիշվիլիի խամաճիկների կողմից ներմուծված խնդիր է։

«ՏԻՄ ընտրությունների մասին խոսակցությունները Բիձինա Իվանիշվիլիի խամաճիկների կողմից նետված խնդիր է՝ ուշադրությունն ու խոսակցությունը այլ թեմայի վրա շեղելու համար։ Այսօր այս թեմայով խոսելը դավաճանություն է նրանց նկատմամբ, ովքեր այսօր բանտում են, ովքեր պահանջում են նոր ընտրություններ։ Կոչ եմ անում բոլորին կենտրոնանալ նոր ընտրությունների, մեր բանտարկյալների՝ Բիձինա Իվանիշվիլիի անձնական բանտարկյալների ազատ արձակման վրա»,- ասել է Խազարաձեն։