Վրաստանում օտարերկրացիների գումարները, փոխարեն ծախսվեն դատարանն առողջ դարձնելու, ավելի անկախ դարձնելու, ավելի որակյալ դարձնելու համար, ծախսվում են դատարանի վարկաբեկման նպատակով, և դա տեղի է ունենում դատարանը գրպանը դրած և այն քանդած կուսակցության հետ միասին։ Ոչ ոք երբեք այնքան չի վիրավորել վրացական դատարանին, որքան «Ազգային շարժումը»։ Դատարանը բռնաբարվել է, և այդ մարդիկ ծրագրում են վարկաբեկել դատարանը»,- այս մասին հայտարարել է «Վրացական երազանքի» գործադիր քարտուղար, խորհրդարանական մեծամասնության առաջնորդ Մամուկա Մդինարաձեն։

Մդինարաձեի խոսքով՝ Հասարակական կազմակերպությունները օգնում են «Ազգային շարժմանը»՝ դատարանը վարկաբեկելու հարցում։ Նրա իսկ հայտարարության համաձայն՝ սա ահաբեկչություն է վրացական օրենքի և դատարանի դեմ։

«Ազգային շարժումը» ծրագրում է վարկաբեկել դատարանը: Բոլորս էլ հիշում ենք, թե ինչ արեցին դատարանի հետ իրենց իշխանության օրոք։ Այսօր նորից փորձում են հարձակվել դատարանի վրա, եւ դրանում օգնում են տնտեսական ոլորտի ներկայացուցիչները։ Ինչ ասենք, Հասարակական կազմակերպությունները, որոնք պետք է պայքարեն դատարանը վարկաբեկելու փորձ կատարողի դեմ, իրենք են դատարանի մասին ապատեղեկատվություն տարածում, իրենք են ծախսում ստացած դրամաշնորհները՝ դատարանին վնասելու համար։ Չեմ պատկերացնում, թե ավելի շատ ինչ վնաս պետք է անեն։ Սա ահաբեկչություն է վրացական օրենսդրության եւ վրացական դատարանի դեմ»,- ասել է Մամուկա Մդինարաձեն։