Արտաքին գործերի նախարար Մակա Բոճորիշվիլին հրաժեշտի հանդիպում է ունեցել Վրաստանում Ֆրանսիայի Հանրապետության արտակարգ և լիազոր դեսպան Շերազ Գասրիի հետ։

Վրաստանի արտաքին գործերի նախարարության տվյալներով՝ հանդիպման ժամանակ քննարկվել են Վրաստանի և Ֆրանսիայի Հանրապետության միջև համագործակցության ներկայիս օրակարգը, ինչպես նաև ավելի լայն տարածաշրջանում ընթացող գործընթացները։ Նշվել է, որ ակտիվ երկխոսությունը և կարծիքների փոխանակումը կարևոր են ընդհանուր սպառնալիքներն ու մարտահրավերները հաղթահարելու համար։

Քննարկված հարցերի թվում էր նաև Վրաստանի Եվրոպական Միությանը ինտեգրման հարցը։ Ընդգծվել է այս գործընթացում հետագա համագործակցության կարևորությունը և հույս է հայտնվել, որ ԵՄ-Վրաստան հարաբերությունները կվերադառնան իրենց սովորական օրակարգին։

Նախարարը հաջողություն է մաղթել դեսպանին իր հետագա գործունեության մեջ։

Ձեր տեղեկության համար, Ֆրանսիայի նախագահ Էմանուել Մակրոնը Օլիվիե Կուրտոյին նշանակել է Վրաստանում արտակարգ և լիազոր դեսպան։