Մակա Բոճորիշվիլին հանդիպել է Կատարի արտաքին գործերի նախարարության գլխավոր քարտուղարի հետ
Վրաստանի արտաքին գործերի նախարար Մակա Բոճորիշվիլին երկկողմ քաղաքական խորհրդակցությունների չորրորդ փուլի շրջանակներում հանդիպում է ունեցել Կատարի Պետության արտաքին գործերի նախարարության գլխավոր քարտուղար Ահմեդ Հասան Ալ-Համմադիի հետ։
Վրաստանի արտաքին գործերի նախարարության տվյալներով՝ հանդիպման ժամանակ կողմերը քննարկել են երկու երկրների միջև համագործակցության օրակարգը և առևտրատնտեսական կապերի խորացման հնարավորությունները։
Արտահայտվել է համագործակցության հետագա ակտիվացման պատրաստակամությունը և ընդգծվել է բարձր մակարդակի այցելությունների փոխանակման կարևորությունը։