Արտաքին գործերի նախարար Մակա Բոճորիշվիլին հանդիպել է Վրաստանում Հունգարիայի արտակարգ և լիազոր դեսպան Աննա Մարիա Շիկոյի հետ։

Զրույցն անդրադարձել է երկու երկրների միջև բարձր մակարդակի այցերի փոխանակման դինամիկային և նախատեսվող հանդիպումներին։

Կողմերը քննարկել են վրաց-հունգարական համագործակցության հարցեր, այդ թվում՝ առևտրատնտեսական ուղղությամբ։

Ընդգծվել է «Վրաստանի կառավարության և Հունգարիայի կառավարության միջև ներդրումների խթանման և փոխադարձ պաշտպանության մասին» համաձայնագրի շրջանակներում համագործակցությունը։

Հանդիպմանը քննարկվել են Վրաստանում ընթացող գործընթացները և Եվրամիության հետ հարաբերությունները, ուշադրությունը կենտրոնացած էր եվրաինտեգրման ճանապարհին Հունգարիայի աջակցող դիրքորոշման կարևորության վրա։

Հանդիպմանը կողմերը ևս մեկ անգամ ընդգծել են Վրաստանի և Հունգարիայի միջև հաստատված սերտ բարեկամական հարաբերությունները և ամուր ռազմավարական գործընկերությունը։

Մակա Բոճորիշվիլին շնորհակալություն է հայտնել Հունգարիայի դեսպանին՝ Վրաստանին ցուցաբերած անսասան աջակցության համար։

Այս մասին հայտնում է Վրաստանի արտաքին գործերի նախարարությունը։