Վրաստանի արտաքին գործերի նախարար Մակա Բոճորիշվիլին «X» սոցիալական ցանցում արձագանքում է Շվեյցարիայի լեռնադահուկային հանգստավայրում տեղի ունեցած ողբերգությանը։

«Ես խորը ցավակցություն եմ հայտնում Նոր տարվա գիշերը Կրանս Մոնտանայում տեղի ունեցած ողբերգական պայթյունի կապակցությամբ։ Ես անկեղծ ցավակցություններ եմ հայտնում սիրելիներին կորցրած ընտանիքներին և բոլոր վիրավորներին։ Մեր մտքերն ու համերաշխությունը շվեյցարացի ժողովրդի հետ են», – գրել է Մակա Բոճորիշվիլին։

Հիշեցնենք, պայթյունը տեղի է ունեցել հունվարի 1-ին, տեղական ժամանակով ժամը 01:30-ին, Կրանս Մոնտանայի լեռնադահուկային հանգստավայրի Le Constellation Bar and Lounge-ում, որտեղ նշվում էր Նոր տարին։ Լեռնադահուկային հանգստավայրում տեղի ունեցած պայթյունի հետևանքով զոհվել է մոտ 40 մարդ, վիրավորվել՝ ավելի քան 100-ը։