Վարչապետի այցը Աբու Դաբի կիրականացվի ամենաբարձր մակարդակով, հայտարարել է Վրաստանի արտգործնախարար Մակա Բոճորիշվիլին՝ անդրադառնալով վարչապետի այցին Արաբական Միացյալ Էմիրություններ։

Նա հայտնել է, որ Իրակլի Կոբախիձեն հանդիպում կունենա Արաբական Միացյալ Էմիրությունների նախագահի հետ։ Արտգործնախարարի խոսքով, բոլորը Վրաստանը դիտարկում են որպես վստահելի գործընկեր և ներդրումների համար շատ հետաքրքիր երկիր։

«Այցը կիրականացվի ամենաբարձր մակարդակով՝ Աբու Դաբիում։ Վարչապետը հանդիպում կունենա նախագահի հետ, իսկ մենք արդեն հանդիպումներ ենք ունեցել պետնախարարի ու նախարար Նահայանի հետ։ Երկուսն էլ շատ մտերիմ ընկերներ են և կարևոր գործընկերներ Վրաստանի համար։ Իհարկե, մեզ համար կարևոր է երկու երկրների միջև քաղաքական և տնտեսական հարաբերությունների խորացումն ու ամրապնդումը. կան բազմաթիվ հնարավորություններ, որոնք կարելի է լավ օգտագործել երկու երկրների հարաբերություններում, հատկապես տնտեսական համագործակցության առումով։ Մեզ համար կարևոր է, որ բոլորը, ում հետ այսօր զրուցել ենք, Վրաստանը դիտարկեն որպես վստահելի գործընկեր, ներդրումների համար շատ հետաքրքիր երկիր, երկիր, որտեղ կարելի է զգալի ներդրումներ կատարել, ունի ներուժ և տնտեսական զարգացման հնարավորություններ։ Կարեւոր է այս ուղղությամբ հարաբերությունների ամրապնդումը, որպեսզի երկիրը կարողանա այդ հարաբերություններից էլ ավելի մեծ տնտեսական օգուտներ տեսնել։ Առաջիկա տարիներին մեզ համար կարևոր կլինի տնտեսական և քաղաքական հարաբերությունների զարգացման համար էլ ավելի լավ հնարավորություններ ստեղծելը, և այս բարձր մակարդակի այցը լավ հնարավորություն կլինի դրա համար»,- ասել է Մակա Բոճորիշվիլին։