Մակա Բոճորիշվիլի. Ստրասբուրգի որոշումը Գվարամիայի գործով ապացուցում է, որ վրացական արդարադատությունը քաղաքական դրդապատճառներով չի գործում, նման ընկալումներ ստեղծողները վնասում են ինտեգրման գործընթացին
Եվրաինտեգրման կոմիտեի նախագահ Մակա Բոճորիշվիլիի խոսքով, Նիկա Գվարամիայի գործով Ստրասբուրգի դատարանի որոշումը ևս մեկ անգամ ապացուցում է, որ երբ հարցը վերաբերում է աղմկահարույց գործերին, վրացական արդարադատությունը քաղաքական դրդապատճառներով չի գործում։
Իր իսկ պարզաբանմամբ, այդ դեպքերը հիմնականում արձանագրում են քաղաքացիական հատվածի ներկայացուցիչները կամ քաղաքական գործիչները երկրի ներսում կամ դրսում։
«Նման դեպքերի բազմաթիվ օրինակներ ունենք։ Բոլոր նման դեպքերում տեսել ենք, որ վրացական արդարադատությունը ճիշտ է եղել ու ճիշտ որոշում է կայացրել։ Հետո այս ամենը դառնում է շահարկումների հիմք, թե իբր Վրաստանում ինչ-որ բան այնպես չէ, ինչպես պետք է լինի, քաղաքական արդարադատությանը պիտակներ են կպցնում, երբ հիմք չկա։ Ով Վրաստանի մասին նման պատկերացումներ է ստեղծում, նա խնդիր ու վտանգ է ներկայացնում երկրի եվրաինտեգրման նպատակին։ Ահա թե ինչպես են արդարության վերաբերյալ հարցեր բարձրացնում, երբ դրա հիմքերը չկան։ Դուք գիտեք, որ արդարադատությունը երկրի՝ Եվրամիությանն ինտեգրման կարևոր խնդիրներից է։ Ուստի նման պատկերացումներ ստեղծողները ուղղակիորեն վնասում են Վրաստանի՝ Եվրամիությանն ինտեգրման գործընթացին»,- ասել է Մակա Բոճորիշվիլին։
Ստրասբուրգի դատարանը Նիկա Գվարամիայի հայցը չի ընդունել քննության։
