17 երկրի արտաքին գործերի նախարարների հայտարարությունն ուղղակիորեն նպաստում է Վրաստանի վերաբերյալ կեղծ նարատիվների տարածմանը, – այս մասին հայտարարել է արտաքին գործերի նախարար Մակա Բոչոտիշվիլին։

Նրա խոսքով, հայտարարությունները, որոնք անդրադառնում են ընտրություններին և կապված են իրավական գործընթացների հետ, ծառայում են միայն մեկ նպատակին՝ կրկին տարածել և ամրապնդել Վրաստանի վերաբերյալ կեղծ նարատիվները։

«17 երկրի արտաքին գործերի նախարարների հայտարարությունն ուղղակիորեն նպաստում է Վրաստանի վերաբերյալ կեղծ նարատիվների տարածմանը։ Այս նամակը մի տեսակ համընկնում է նախագահի կողմից արված հայտարարության հետ, որը միտված էր նրան, որպեսզի ընտրություններին ոչինչ վտանգ չներկայացնի, ընտրությունների հետ կապված չլինեն խոչընդոտող հանգամանքներ, եթե դա կարևոր է վրացական քաղաքական շրջանակների համար և եթե նրանց համար առհասարակ կարևոր է ընտրություններին մասնակցելը, լինել ժողովրդավարության մի մաս՝ ընտրությունների միջոցով։ Նախագահի կողմից այս հայտարարությունը արվել է, դա վրացական քաղաքական գործընթացի մի մասն է։ Հայտարարությունները, որոնք մենք լսում ենք, որտեղ հղում է արվում ընտրություններին և դրանք կապվում են իրավական գործընթացների հետ, ծառայում են միայն մեկ նպատակին՝ կրկին տարածել և ամրապնդել Վրաստանի վերաբերյալ կեղծ նարատիվները», – նշել է Մակա Բոչոտիշվիլին։

17 երկրի արտաքին գործերի նախարարները և Եվրոպական միության բարձր ներկայացուցիչը համատեղ հայտարարություն են տարածել Վրաստանի վերաբերյալ։