ՄԱԿ-ի Գլխավոր ասամբլեան կազմակերպությունում հաստատել է Պաղեստինի լիիրավ անդամակցության վերաբերյալ բանաձևը
Israeli Ambassador to the United Nations Gilad Erdan speaks during a special session of the UN General Assembly regarding the Palestinian bid for full membership to the UN, at UN headquarters in New York City on May 10, 2024. A veto from the United States during an April 18, 2024 UN Security Council meeting previously foiled the Palestinians' drive for full UN membership. (Photo by Charly TRIBALLEAU / AFP) (Photo by CHARLY TRIBALLEAU/AFP via Getty Images)
ՄԱԿ-ի Գլխավոր ասամբլեան հաստատել է կազմակերպությունում Պաղեստինի լիիրավ անդամակցության վերաբերյալ բանաձևը։
Բանաձևը ՄԱԿ-ի Անվտանգության խորհրդին կոչ է անում վերանայել Պաղեստինի անդամակցության հարցը։
Նշված բանաձևին կողմ է քվեարկել 143, դեմ՝ ինը, ձեռնպահ՝ 25 անդամ։
«Պաղեստին պետությունը որակավորված է ՄԱԿ-ին անդամակցելու համար»,- ասվում է բանաձևում։
Ինչպես նշել է ԱՄՆ պատվիրակությունը Գլխավոր ասամբլեայի նստաշրջանի մեկնարկից առաջ, եթե բանաձևը հաստատվի և անդամակցության դիմումն ուղարկվի ՄԱԿ-ի Անվտանգության խորհուրդ, ԱՄՆ-ը դեռ կօգտվի վետոյի իրավունքից։ ՄԱԿ-ում ԱՄՆ-ի ներկայացուցչության կարծիքով՝ Պաղեստինի իշխանությունները չեն կարող բավարարել ՄԱԿ-ին անդամակցելու չափանիշները։
Անցյալ ամիս Պաղեստինի ինքնավարությունը կրկին հայտ ներկայացրեց ՄԱԿ-ին անդամակցելու համար, սակայն ԱՄՆ-ը վետո դրեց այդ հայտի վրա: Ավելի ուշ Իսրայելը դրական է գնահատել ԱՄՆ որոշումը, մինչդեռ Պաղեստինի իշխանությունները վետոյի կիրառումը որակել են «անարդար, անբարոյական և չարդարացված»։
2011-ին Պաղեստինի ինքնավարությունը չկարողացավ ճանաչել որպես ՄԱԿ-ի անկախ անդամ, թեև 2012-ին Պաղեստինին շնորհվեց դիտորդի կարգավիճակ ՄԱԿ-ում:
Ընթացակարգային կարգով ՄԱԿ-ի Գլխավոր ասամբլեայի կողմից հաստատված բանաձեւը վերանայվում է Անվտանգության խորհրդի կողմից։