ՄԱԿ-ի Արդարադատության միջազգային դատարանը Իսրայելին հանձնարարել է դադարեցնել ռազմական և այլ գործողությունները Ռաֆահ քաղաքում
ՄԱԿ-ի Արդարադատության միջազգային դատարանը Իսրայելին հանձնարարել է դադարեցնել ռազմական և այլ գործողությունները Ռաֆահ քաղաքում։ Այդ մասին դատավորներն որոշում են կայացրել։
«Իսրայելը պետք է անհապաղ դադարեցնի Ռաֆահում ռազմական հարձակումը և այլ գործողությունները, որոնք կարող են սպառնալ պաղեստինյան խմբավորմանը Գազայում և որոնք կարող են հանգեցնել նրանց ֆիզիկական ոչնչացման ամբողջությամբ կամ մասնակի»,- ասվում է դատարանի հայտարարության մեջ։
Հարավաֆրիկյան Հանրապետությունն արձագանքել է դատարանի որոշմանը։ Արտաքին գործերի նախարար Նադելի Պանդորան ասել է. «Կարծում եմ՝ սա շատ ավելի ուժեղ ժամանակավոր միջոց է։ Կասեցման շատ հստակ կոչ կա»,- ասաց ԱԳ նախարարը։
Հիշեցնենք, որ Հարավային Աֆրիկան դիմել էր Արդարադատության միջազգային դատարան՝ շտապ միջոցներ ձեռնարկելու խնդրանքով, քանի որ Իսրայելի գործողությունները Ռաֆահում «ցեղասպանական» գործողություն են և վտանգ են ներկայացնում Պաղեստինի ժողովրդի համար։