Չնայած Ռուսաստանի հակազդեցությանը, ՄԱԿ-ը կշարունակի ջանքերը՝ շարունակելու «հացահատիկային համաձայնագիրը», ասել է ՄԱԿ-ի խոսնակի տեղակալ Ֆարհան Հաքին։

Ըստ նրա՝ դա անհրաժեշտ է աշխարհի բարօրության համար։

«Այսպիսով, մենք կշարունակենք մեր ջանքերը՝ ապահովելու, որ հնարավոր լինի սննդամթերքի և պարարտանյութի շարունակական արտահանումը ինչպես Ուկրաինայից, այնպես էլ Ռուսաստանի Դաշնությունից: Այս փուլում ես դրա մասին այլ մանրամասներ չունեմ։ Ինչպես նշել է քարտուղարը, ինքը չի պատրաստվում հանձնվել, քանի որ դա անհրաժեշտ է ոչ միայն այս երկու երկրների, այլեւ աշխարհի բարօրության համար։ ՄԱԿ-ի աշխատակիցները շարունակում են ներգրավված լինել և կտեղեկացվեն զարգացումների մասին»,- ասել է Ֆարհան Հաքին։

Ինչպես հայտարարել են Կրեմլում, Ռուսաստանը չի վերադառնա հացահատիկի արտահանման սեւծովյան համաձայնագրին, քանի դեռ չկատարվեն իրենց շահերին վերաբերող պայմանները։ ՄԱԿ-ը կոչ է անում Ռուսաստանին թույլ տալ Ուկրաինային ապահով կերպով հացահատիկ արտահանել իր ծովային նավահանգիստներից։