Լրատվամիջոցների տեղեկացմամբ Ֆինլանդիայում ԵՄ պատժամիջոցներով պայմանավորված մոտ 900 ռուսական բեռնատար վագոն է կալանված
Ֆինլանդիայում ԵՄ պատժամիջոցներով պայմանավորված մոտ 900 ռուսական բեռնատար վագոն է կալանված:
Ըստ ուկրաինական ԶԼՄ-ների՝ այս մասին են վկայում ֆիննական երկաթուղային պետական օպերատորի տվյալները և ռուսական երկաթուղիների ծառայության նամակը, որին ծանոթացել է «Ռոյթերս» գործակալությունը։
Ինչպես գրում է լրատվամիջոցը, Ռուսաստանի երկաթուղային ծառայության նամակից պարզ է դառնում, որ ապրիլին ռուսական ածխի ներմուծման նկատմամբ Եվրամիության կողմից կիրառված պատժամիջոցներով պայմանավորված ֆիննական երկաթուղային օպերատորը միջոցներ է ձեռնարկել Ռուսաստանի հետ երկաթուղային կապերը նվազեցնելու համար, քանի որ ինչի արդյունքում դատական վերահսկողության ծառայության կողմից առգրավվել է 865 ռուսական վագոն։
Ֆինլանդիայի դատական վերահսկողության ծառայությունը Reuters-ին հայտնել է, որ իրենք սառեցրել են մի քանի տասնյակ ռուս և բելառուս ֆիզիկական և իրավաբանական անձանց, այդ թվում՝ տրանսպորտային ընկերությունների ակտիվները։
Ֆինլանդիայի պետական երկաթուղային օպերատորի ներկայացուցիչը հաստատել է Ֆինլանդիայի կողմից ռուսական բեռնատար վագոնների առգրավումը։ Ըստ լրատվամիջոցի՝ այդ վագոնները պատկանում են ընկերություններին, որոնց վրա անմիջականորեն տուժել են ԵՄ պատժամիջոցները կամ պատժամիջոցներն ազդել են նրանց բաժնետերերի վրա։