Լրատվամիջոցների փոխանցմամբ՝ Դամասկոսում իրանական հրթիռների պահեստի տարածքում պայթյուն է որոտացել
Դամասկոսում ուժգին պայթյուն է որոտացել։ Տեղեկությունը տարածում է «Deutsche Welle»-ն։
Ըստ տեղեկությունների՝ հարձակման թիրախը եղել է իրանամետ ուժերի կողմից վերահսկվող իրանական հրթիռների պահեստը։
Մարդու իրավունքների սիրիական մոնիթորինգի տվյալներով՝ այս պահին հայտնի չէ՝ արդյոք պայթյունը տեղի է ունեցել ավիահարվածի հետևանքով։
Նշենք, որ Իրանը նախագահ Բաշար Ասադի կարեւոր աջակիցներից է, իսկ Սիրիայում գործող իրանական ուժերը մեկ անգամ չէ, որ իսրայելական հարվածների թիրախ են դարձել։