Ռուսաստանի պաշտպանության նախարարությունում ասում են, որ «Ազովստալում» գտնվող վիրավոր զինվորները կտեղափոխվեն ինքնահռչակ Դոնեցկի Ժողովրդական Հանրապետության տարածք։

Ըստ Ռուսաստանի պաշտպանության նախարարության, այս կապակցությամբ ձեռք է բերվել պայմանավորվածություն, այսպես կոչված Լռության ռեժիմ և մարդասիրական միջանցքի բացում, որով վիրավոր զինվորներին կտեղափոխեն Նովոազովսկ, որը ներկայումս վերահսկվում է ռուս զինվորականների և անջատողականների կողմից։

Ուկրաինացի պաշտոնյաներն այս պահին որևէ մեկնաբանություն չեն տվել։

Ավելի վաղ ինքնահռչակ Դոնեցկի Հանրապետության «Վոստոկ» բրիգադի հրամանատարը հայտարարել էր, որ «Ազովստալից» սկսվել է ուկրաինական զորքերի տարհանումը։ Նա նաև հայտնել է, որ մի քանի ուկրաինացի զինվորականներ՝ սպիտակ դրոշներով, առավոտյան դուրս են եկել Ազովստալից՝ տարհանման շուրջ բանակցություններ վարելու։