Ռուսաստանը զանգվածային հարձակումներ է իրականացրել Ուկրաինայի տարածքում: Ուկրաինական լրատվամիջոցների տվյալներով՝ երկրի մայրաքաղաք Կիևում պայթյուններ են տեղի ունեցել, որտեղ հարձակումը իրականացվել է անօդաչու թռչող սարքերով և հրթիռներով: Լրատվամիջոցների հաղորդագրությունների համաձայն՝ վիրավորվել է երկու մարդ, այդ թվում՝ մեկ երեխա: Վնասվել է բարձրահարկ բնակելի շենք:

Ուկրաինայի Օդեսա քաղաքում ռուսները կրկին հարձակումներ են իրականացրել էներգետիկ ոլորտի վրա:

«Ռուսաստանը կրկին անօդաչու թռչող սարքերով հարձակումներ է իրականացրել էներգետիկ ենթակառուցվածքների օբյեկտների վրա: Հարվածները մեծածավալ հրդեհների պատճառ են դարձել», – ասել է Օդեսայի տարածաշրջանային ռազմական վարչակազմի ղեկավար Օլեգ Կիպերը:

Նա ասել է, որ փրկարարները մարել են բոլոր հրդեհները: