Լինդսի Գրեհեմ – Սենատը շուտով կքննարկի խիստ պատժամիջոցներ ոչ միայն Ռուսաստանի, այլև այնպիսի երկրների դեմ, ինչպիսիք են Չինաստանը և Հնդկաստանը, որոնք ֆինանսավորում են Պուտինի ռազմական մեքենան

Սենատոր Լինդսի Գրեհեմը հայտարարել է, որ Սենատը շուտով կքննարկի խիստ պատժամիջոցներ ոչ միայն Ռուսաստանի, այլև այնպիսի երկրների դեմ, ինչպիսիք են Չինաստանը և Հնդկաստանը, որոնք ֆինանսավորում են Պուտինի ռազմական մեքենան։

«Նախագահ Դոնալդ Թրամփը ճիշտ է Պուտինի խաղերի վերաբերյալ։ Սենատը շուտով կքննարկի խիստ պատժամիջոցներ ոչ միայն Ռուսաստանի, այլև այնպիսի երկրների դեմ, ինչպիսիք են Չինաստանը և Հնդկաստանը, որոնք գնում են ռուսական էներգետիկ արտադրանք, որոնք ֆինանսավորում են Պուտինի ռազմական մեքենան։ Սենատի օրինագիծն ունի նախագահական լիազորություններ, որոնք նախագահ Թրամփին տալիս են առավելագույն լծակներ։ Երբ խոսքը վերաբերում է Պուտինին և նրանց, ովքեր աջակցում են նրա ռազմական մեքենային, ժամանակն է փոխել խաղի կանոնները», – գրել է Լինդսի Գրեհեմը սոցիալական ցանցերում։

Հիշեցնենք, որ Ռուսաստանի դեմ պատժամիջոցների օրինագիծը համահեղինակել են սենատոր Լինդսի Գրեհեմը և սենատոր Ռիչարդ Բլումենտալը։ Օրինագիծն ունի 100 սենատորներից 82-ի աջակցությունը, ինչպես հանրապետականներում, այնպես էլ դեմոկրատներում։

Օրինագիծը նախատեսում է 500% մաքսատուրքեր սահմանել այն երկրների համար, որոնք գնում են ռուսական նավթ։