Գների իջեցման աշխատանքները կավարտվեն ապրիլի վերջին, և, մենք կարծում ենք, որ կունենանք շոշափելի արդյունքներ,- ասաց կառավարության աշխատակազմի ղեկավար Լևան Ժորժոլիանին։

Նրա խոսքով՝ կարևոր է, որ ընկերությունները հայտնել են գները իջեցնելու իրենց պատրաստակամությունը։

«Հանձնաժողովն աշխատել է երկու շաբաթ։ Հանդիպումներ են տեղի ունեցել սննդի ոլորտում գործող ընկերությունների հետ, ինչպիսիք են ցանցային խանութները, ներմուծողները, արտադրողները, և հանձնաժողովի լիազորությունները նույնպես ընդլայնվել են, և մենք հանդիպել ենք դեղագործական ոլորտի, ինչպես նաև վառելիքային ընկերությունների ներկայացուցիչների հետ։ Կարևոր է նշել, որ բոլոր հանդիպումների ավարտին ընկերությունները հայտնել են գները իջեցնելու իրենց պատրաստակամությունը, ինչն արդեն շատ լավ է։ Գործընթացը կտեղափոխվի խորհրդարան, որտեղ վերը նշված հարցերը կքննարկվեն հատուկ աշխատանքային հանձնաժողովի շրջանակներում։ Մենք մեր աշխատանքը կավարտենք ապրիլի վերջին, և, մենք կարծում ենք, որ կունենանք շոշափելի արդյունքներ», – ասաց Լևան Ժորժոլիանին։

Տեղեկատվությունը տարածում է Վրաստանի վարչապետի մամուլի ծառայությունը։