«Կարևոր է, որ հոկտեմբերի 4-ին բոլորս միասին ապահովենք ռեժիմի խաղաղ տապալումը», – այս մասին հայտարարել է «Միացյալ ազգային շարժման» անդամ Լևան Խաբեյշվիլին մեկ լրատվամիջոցի եթերում։

Խաբեյշվիլիի խոսքով՝ «Վրացական երազանք» կուսակցությունում ներքին հակամարտություն է։

«Մենք հոկտեմբերի 4-ին պետք է տապալենք Բիձինա Իվանիշվիլիի ռեժիմը։ Հակառակ դեպքում նա ոչ միայն կուսակցություններին կարգելափակի, այլ ամեն ինչ կանի, և ոչինչ չպետք է զարմացնի։ Այստեղ գրեթե արգելված է այլակարծությունը, ընդդիմությունը արգելված է, քաղաքացիական հասարակությունը բանտերում է, քաղաքական գործիչները բանտերում են։ Այժմ ունենք միակ փրկությունը՝ ներսում իրենց միջև կռվում են, և ընդդիմության մեջ են նախկին վարչապետը, Պետական անվտանգության ծառայության նախկին ղեկավարը, ՆԳ նախկին նախարարը։ Կարևոր է, որ ժողովուրդը օգտվի այդ իրավիճակից։ Նրանք ներսում այնպիսի վիճակում են, որ երկար ժամանակ ուշքի չեն գա։ Հետևաբար, կարևոր է, որ հոկտեմբերի 4-ին բոլորս միասին ապահովենք այս ռեժիմի խաղաղ տապալումը», – հայտարարել է Լևան Խաբեյշվիլին։