«Ռոմեո Միքաութաձեի ձերբակալությունը որևէ առնչություն չունի կոռուպցիայի դեմ պայքարի հետ։ Նա եղել է սև դրամարկղի գլխավոր գանձապետը Գարիբաշվիլու վարչապետության ժամանակ, և, ինչպես երևում է, Կոբախիձեն ցանկանում է ժողովրդից գողացված փողերը մի գրպանից մյուսը տեղափոխել», — այս մասին հայտարարել է «Ազգային շարժման» առաջնորդներից Լևան Սանիկիձեն։

Նրա խոսքով՝ այստեղ առկա է ներքին կլանային հակամարտություն։

«Ռոմեո Միքաութաձեի ձերբակալությունն ընդհանրապես կապ չունի կոռուպցիայի դեմ պայքարի հետ։ Նա եղել է այն մարդը, ով Գարիբաշվիլիի վարչապետության շրջանում գլխավորում էր սև դրամարկղը։ Հիմա, ինչպես տեսնում ենք, Կոբախիձեն փորձում է գողացված գումարները տեղաշարժել՝ պարզապես գրպան փոխելով։ Սա ներքին կլանային հակամարտություն է։ Իվանիշվիլիի կուսակցությունը մոնոլիթ չէ։ Կան բազմաթիվ կլանային բախումներ, որոնք, մեր կարծիքով, ժողովրդավարական հասարակության կողմից պետք է առավել ակտիվորեն օգտագործվեն», — նշել է Սանիկիձեն։

Վրաստանի Պետական անվտանգության ծառայությունը, ծառայողական լիազորությունների չարաշահման և միլիոնավոր լարիի ապօրինի եկամուտների լվացման մեղադրանքով, դատարանի որոշմամբ, ձերբակալել է էկոնոմիկայի և կայուն զարգացման նախարարի նախկին տեղակալ Ռոմեո Միքաութաձեին։ Հանցանքը պատժվում է 9-12 տարի ազատազրկմամբ։