Լևան Մաճավարիանի. Պահպանում ենք լավատեսությունը Վրաստանի և ԱՄՆ-ի միջև իրական ընկերություն և գործընկերություն սկսելու հարցում

Բոլոր մակարդակներում մենք հայտարարել ենք, որ պատրաստ ենք ցանկացած պահի նստել ամերիկացի գործընկերների հետ և ժամանակի ու տարածության մեջ հստակ ճանապարհային քարտեզ գծել, որտեղ արտացոլված կլինեն երկու կողմերի շահերը»,– այս մասին սոցիալական ցանցում գրում է խորհրդարանական մեծամասնության անդամ Լևան Մաճավարիանին։

Մաճավարիանին սոցիալական ցանցում հրապարակած գրառմամբ արձագանքում է ԱՄՆ նախագահ Դոնալդ Թրամփի նամակին, որով նա դիմել է Վրաստանի վարչապետ Իրակլի Կոբախիձեին։

«Բայդենի վարչակազմն ամեն ինչ արեց Վրաստան-ԱՄՆ հարաբերությունները փչացնելու համար։ Այն վարչակազմը, որում, պարոն Թրամփի խոսքերով, Deep State-ը (Խորքային պետությունը) հսկայական ազդեցություն ուներ։ Նրանք մեր դեմ պայքարում էին հենց այնպիսի անարդար ու կեղտոտ մեթոդներով, ինչպիսիք այսօր Բրյուսելն է կիրառում մեր դեմ՝ ստով, շանտաժով, սպառնալիքներով, ապատեղեկատվությամբ, երկակի ստանդարտներով և այլն։

Մեր թիմն ամեն ինչ արել է ԱՄՆ-ի հետ իրական գործընկերություն սկսելու համար.

• Վերոնշյալ վերաբերմունքից ելնելով՝ մենք հակամարտության մեջ էինք այն վարչակազմի հետ, որին պարոն Թրամփն անվանում է թշնամի.

• Բացահայտորեն երկրպագում էինք Դոնալդ Թրամփի նախագահ ընտրվելուն.

• Լիակատար համընկնում արժեքների և քաղաքական աշխարհայացքի մեջ.

• Նույնական դիրքորոշումներ և ուղերձներ պետության ինքնիշխանության վերաբերյալ.

• Նմանատիպ գնահատականներ ռուս-ուկրաինական պատերազմի առնչությամբ.

• Նույնական տեսլական եվրոբյուրոկրատիայի խնդիրների վերաբերյալ — Բրյուսելի հանդեպ մեր հավակնությունները ԱՄՆ-ն մեկ առ մեկ արտացոլել է իր ազգային անվտանգության ռազմավարության փաստաթղթում.

• Արտաքին միջամտության ռիսկերի նույնական գնահատում.

• Լիակատար համընկնում ՀԿ-ների (NGO) հետ կապված սպառնալիքների գնահատման հարցում.

• Նմանատիպ գնահատականներ ուլտրաձախ գաղափարախոսության վերաբերյալ։

Բոլոր մակարդակներում մենք հայտարարել ենք, որ պատրաստ ենք ցանկացած պահի նստել ամերիկացի գործընկերների հետ և ժամանակի ու տարածության մեջ հստակ ճանապարհային քարտեզ գծել, որտեղ արտացոլված կլինեն երկու կողմերի շահերը։

Այս ամենից ելնելով՝ մենք պահպանում ենք լավատեսությունը Վրաստանի և ԱՄՆ-ի միջև իրական ընկերություն և գործընկերություն սկսելու հարցում»,– գրում է Լևան Մաճավարիանին։

Ի գիտություն՝ ԱՄՆ նախագահ Դոնալդ Թրամփը նամակ է հղել Վրաստանի վարչապետ Իրակլի Կոբախիձեին և շնորհակալություն հայտնել Ամերիկայի անկախության 250-ամյա հոբելյանը շնորհավորելու համար։

Ինչպես նշված է Թրամփի նամակում. «Ինքնիշխանությանը, անվտանգությանն ու տևական բարեկեցությանն աջակցելու ուղղությամբ համատեղ աշխատանքով մենք կարող ենք զգալի առաջընթացի հասնել։ Անհամբերությամբ սպասում եմ մեր համագործակցության ամրապնդմանը, որպեսզի միասին շարժվենք դեպի ավելի անվտանգ, բարեկեցիկ և խաղաղ ապագա»։