Անակլիա նավահանգստի հետ կապված և՛ մասնավոր գործընկերոջ ընտրությունը, և՛ միաժամանակ շինարարական աշխատանքների մեկնարկն է ընթանում՝ նավահանգստի նախագիծն ավելի արագ և արդյունավետ իրականացնելու համար, այս մասին հայտարարել է Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլին:

Ինչպես նշել է Լևան Դավիթաշվիլին, ներկայումս ընթանում է շինարարության գործով գործընկերոջ ընտրության գործընթացը, որը շուտով կսկսի աշխատանքները։

«Անցյալ տարի մենք հանրությանը մանրամասն ներկայացրեցինք այս ծրագիրը։ Այնպես որ, անակնկալներ չեղան, այստեղ ոչ մի անսպասելի բան տեղի չունեցավ։ Մենք կհետևենք այն ընթացակարգերին, որոնք նախատեսված են օրենքով և այն պլանով, որը սահմանել ենք ծրագրի իրականացման սկզբնական փուլում։ Միաժամանակ ընթանում է մասնավոր գործընկերոջ ընտրության առաջարկների ճշգրտման փուլը, որը վերջնական փուլում է։ Մենք ինտենսիվ երկխոսության մեջ ենք երկու հայտատուների հետ, քանի որ շատ տեխնիկական մանրամասներ ճշտվում են: Ընտրության գործընթացն ընթանում է ըստ պլանի»,- ասել է Լևան Դավիթաշվիլին։