Լեռնային Ղարաբաղի հակամարտությունը ռազմական ճանապարհով չի լուծվի. ՆԱՏՕ-ում ԱՄՆ-ի դեսպան
Լեռնային Ղարաբաղի հակամարտությունը ռազմական ճանապարհով չի լուծվի. ՆԱՏՕ-ում ԱՄՆ-ի դեսպան

ՆԱՏՕ-ում ԱՄՆ-ի դեսպանը կոչ է անում Ադրբեջանին և Հայաստանին վերադառնալ բանակցությունների սեղանին և փորձեն հակամարտությունը կարգավորել ԵԱՀԿ Մինսկի խմբի շրջանակներում: Այս մասին Քեյ Բեյլի Հաթչինսոնը հայտարարել է առցանց մամուլի ասուլիսում, պատասխանելով լրագրողների հարցերին:

Նրա հայտարարությամբ, Լեռնային Ղարաբաղի հակամարտությունը հնարավոր չէ լուծել ռազմական ճանապարհով:

«ՆԱՏՕ-ն փորձում է անել այն, ինչ անում են ԱՄՆ-ը ու Ռուսաստանը` դադարեցնել հակամարտությունը Լեռնային Ղարաբաղում: Սա հարց է, որը կանգնած է 30 տարի: Գոյություն ունի Մինսկի խումբը, որի համանախագահներն են ԱՄՆ-ը, Ռուսաստանը և Ֆրանսիան: Այս խումբը ցանկանում է քննարկել հակամարտության էությունը, այսինքն ՝ որտեղ են գտնվում Ադրբեջանի ինքնիշխան սահմանները և ինչն է ընդունելի այդ սահմաններում հայ բնակչության համար: Եթե ​​դա լուծվի, ապա հակամարտությունը կավարտվի: Գիտեմ, որ այս շաբաթ երկու երկրների արտգործնախարարները բանակցություններ կանցկացնեն Վաշինգտոնում, և մենք նրանց կոչ ենք անում գտնել ճանապարհներ, որ դադարեցվեն բռնությունները, դադարեցվեն սպանությունները: Այս հակամարտությունը հնարավոր չէ լուծել ռազմական ճանապարհով»,- հայտարարել է Հաթչինոսնը:

Հիշեցնենք, որ Լեռնային Ղարաբաղի հակամարտության գոտում ռազմական գործողությունները վերսկսվել են սեպտեմբերի 27-ին: Չնայած հրադադարի մասին երկու համաձայնագրի, կողմերը միմյանց մեղադրում են հրթիռային հարձակման մեջ: