«Լելո» կուսակցության անդամները հանդիպում են անցկացրել դիվանագիտական կորպուսի ներկայացուցիչների հետ
«Լելո» կուսակցության անդամները հանդիպում են անցկացրել Վրաստանում հավատարմագրված դիվանագիտական կորպուսի ներկայացուցիչների հետ։
Հայտնի է, որ հանդիպման հիմնական թեման եղել է «Լելոյի» առաջնորդներ Մամուկա Խազարաձի և Բադրի Ջափարիձեի, ինչպես նաև ընդդիմության այլ ներկայացուցիչների ձերբակալությունը։
Հանդիպումը տեղի է ունեցել կուսակցության գրասենյակում։ «Լելո»-ից հանդիպմանը մասնակցել են Դավիթ Ուսուփաշվիլին, Թազո Դաթունաշվիլին, Գիորգի Սիորիձեն և Սաբա Բուաձեն։
Հիշեցնենք, որ դատարանը «Լելո» կուսակցության առաջնորդներ Մամուկա Խազարաձին և Բադրի Ջափարիձեին դատապարտել է ութ ամսվա ազատազրկման՝ խորհրդարանի ժամանակավոր հետաքննիչ հանձնաժողովի պահանջը չկատարելու համար։ Նրանք երկու տարով նաև զրկվել են պաշտոն զբաղեցնելու իրավունքից։ Մամուկա Խազարաձեն և Բադրի Ջափարիձեն ձերբակալվել են հունիսի 23-ին՝ դատարանի որոշման հիման վրա։