Լեհաստանում ձերբակալվել է ինը մարդ, ովքեր կասկածվում են Ռուսաստանի պատվերով դիվերսիա կատարելու փորձի մեջ։ Այս մասին հայտարարել է Լեհաստանի վարչապետ Դոնալդ Տուսկը։

«Ներկայումս ունենք կալանքի տակ գտնվող ինը կասկածյալ, որոնք անմիջականորեն մասնակցել են Լեհաստանում դիվերսիոն գործողություններին ռուսական հետախուզական ծառայությունների հրահանգով։ Կասկածյալները Ուկրաինայի, Բելառուսի և Լեհաստանի քաղաքացիներ են»,- ասել է Տուսկը։

Տուսկի խոսքով՝ միջադեպի առնչությամբ միջազգային հետաքննություն է ընթանում։

Սակայն, ինչպես նշել է Դոնալդ Տուսկը, դիվերսիայի փորձ է եղել ոչ միայն Լեհաստանում, այլ նաև Լիտվայում, Լատվիայում, հավանաբար Շվեդիայում, և Լեհաստանի համապատասխան ծառայությունները ինտենսիվ աշխատում են դաշնակիցների հետ այդ հարցով։