Լեհաստանն ԱՄՆ-ից ստացել է 28 մարտական տանկ
250 Abrams տանկի գնման պայմանագրի շրջանակներում Լեհաստանն ԱՄՆ-ից ստացել է 28 մարտական տանկ։
Այս մասին, ըստ ուկրաինական լրատվամիջոցների, հայտարարել է Լեհաստանի ազգային պաշտպանության նախարար Մարիուշ Բլաշչակը։
«Աբրամս» տանկերի առաջին 28 միավորները ժամանել են Լեհաստան՝ լեհ տանկավարների վերապատրաստման համար»,- ասել է Բլաշչակը։
Նրա խոսքով, սա ապրիլին ստորագրված համաձայնագրի առաջին փուլն է։
Լեհաստանի պաշտպանության նախարարի խոսքով՝ Ռուսաստանը Ուկրաինայի դեմ ագրեսիայի ժամանակ ակտիվորեն օգտագործում է զրահատեխնիկա և հրետանի։
«Հետևաբար, մեզ աշխարհի լավագույն և ժամանակակից տանկերով ապահովելը կլինի ռուս ագրեսորի ահաբեկման երաշխիքը»,- ասել է Բլաշչակը։