Լեհաստանը Վրաստանի ակնառու բարեկամն ու գործընկերն է, որի հետ մենք ունենք ռազմավարական համագործակցություն և սերտ հարաբերություններ մի շարք ոլորտներում։ Մենք հաջողությամբ համագործակցում ենք ինչպես երկկողմ, այնպես էլ բազմակողմ ձևաչափերում և շահագրգռված ենք մեր բազմաչափ հարաբերություններն էլ ավելի ընդլայնելու համար,- այս մասին Լեհաստանի Հանրապետության վարչապետ Մատեուշ Մորավյեցկու հետ համատեղ մամուլի ասուլիսում, հայտարարել է Վրաստանի վարչապետ Իրակլի Ղարիբաշվիլին:

Ինչպես նշել է կառավարության ղեկավարը, Վրաստանը բարձր է գնահատում Լեհաստանի հզոր աջակցությունը երկրի ինքնիշխանությանն ու տարածքային ամբողջականությանը, եվրոպական և եվրատլանտյան ինտեգրմանը։

«Բարի գալուստ, ողջունում եմ իմ սիրելի գործընկերոջը, Լեհաստանի վարչապետ պարոն Մատեուշ Մորավյեցկիին, ով իր առաջին այցը կատարում է Վրաստան։ Լեհաստանը Վրաստանի ակնառու բարեկամն ու գործընկերն է, որի հետ մենք ունենք ռազմավարական համագործակցություն և սերտ հարաբերություններ մի շարք ոլորտներում։ Մենք հաջողությամբ համագործակցում ենք ինչպես երկկողմ, այնպես էլ բազմակողմ ձևաչափերում և շահագրգռված ենք, մոտիվացված՝ ավելի ընդլայնելու մեր բազմաչափ հարաբերությունները: Մենք բարձր ենք գնահատում Լեհաստանի հզոր աջակցությունը մեր երկրի ինքնիշխանությանն ու տարածքային ամբողջականությանը, մեր եվրոպական և եվրատլանտյան ինտեգրմանը։ Մեր ժողովուրդների ընդհանուր պատմության մեջ ազատության համար պայքարում համերաշխության և փոխադարձ աջակցության բազմաթիվ օրինակներ կան։ Վրաստանն ու Լեհաստանը դժվար պահերին միշտ կողք կողքի են եղել։ Մենք՝ վրացիներս, երբեք չենք մոռանա նախագահ Լեխ Կաչինսկու հերոսական պահվածքը, երբ նա 2008 թվականի օգոստոսին եվրոպացի առաջնորդների հետ ժամանեց Թբիլիսի, երբ մենք լայնամասշտաբ պատերազմ ունեցանք Ռուսաստանի Դաշնության հետ և կանգնեց մեր ժողովրդի կողքին, նա անձամբ է կազմակերպել եվրոպացի առաջնորդների այցը Թբիլիսի։ Յուրաքանչյուր վրացի դա շատ է գնահատում, մենք հիշում ենք և շնորհակալ ենք դրա համար»,- ասել է վարչապետը։