Վրաստանում վիրտուալ ձևաչափով սկսել է աշխատել Արժույթի միջազգային հիմնադրամի երկշաբաթյա առաքելությունը, որն իրականացվում է խորհրդատվությունների տեսքով՝ համաձայն ԱՄՀ IV հոդվածի:

Ըստ նախարարության, դրա նպատակը Արժույթի միջազգային հիմնադրամի կողմից Վրաստանի մակրոտնտեսական իրավիճակի, երկրի ֆիսկալ և դրամավարկային քաղաքականության գնահատումն է:

Նրանց խոսքով, առաքելության անդամներն այս ձեւաչափով հանդիպել են ֆինանսների նախարար Լաշա Խուցիշվիլիի հետ: Հանդիպմանը մասնակցում էին նաև փոխնախարարներ, բյուջետային և մակրոտնտեսական վերլուծության և ֆիսկալ քաղաքականության պլանավորման վարչության պետեր:

«Ֆինանսների նախարարը առաքելության անդամներին ծանոթացրել է տնտեսության ներկա իրավիճակը, տնտեսական աճի նորագույն կանխատեսումները, բիզնեսի և սոցիալական աջակցության առումով ձեռնարկված միջոցառումները, ընթացիկ տարվա բյուջեի կատարման դինամիկան, ֆիսկալ համախմբման և ֆինանսական հատվածի կայունության ամրապնդման նպատակով նախատեսվող քայլերը:

Ինչպես նշվել է հանդիպմանը, Արժույթի միջազգային հիմնադրամի աջակցությամբ իրականացվող «Ընդլայնված ֆինանսավորման մեխանիզմի» ծրագրի աջակցությամբ երկրում իրականացվել են էական բարեփոխումներ, ինչպես նաև կրճատվել են «Կովիդ -19»-ի համաճարակի պատճառած վնասները:

Վրաստանը նախատեսում է Արժույթի միջազգային ֆոնդի հետ գործարկել նոր ծրագիր, որը պետք է նպաստի հետհամաճարակային շրջանում երկրի արագ տնտեսական աճին», – ասված է հայտարարության մեջ: