«Լագունա Վերեի» հարակից տարածքում նախատեսված ճանապարհային աշխատանքների պատճառով երթևեկությունը կսահմանափակվի

19:08, 15.10.2020

Թբիլիսիի քաղաքապետարանը Քուռ գետի աջ ափին, «Լագունա Վերեի» հարակից տարածքում, «Վիսոլի» բենզալցակայանից մինչև Ջուղելիի փողոցն առկա ճանապարհատվածում կիրականացնի ենթակառուցվածքային աշխատանքներ:

Թբիլիսիի քաղաքապետարանի փոխանցմամբ, նախատեսված աշխատանքների պատճառով, նշված հատվածում, ընթացիկ տարվա հոկտեմբերի 16-ին, 17-ին և 18-ին, գիշերվա ժամերին (ժամը 23:00-ից մինչև 08:00-ն) ավտոճանապարհային երթևեկությունը կսահմանափակվի:

«Քաղաքապետարանը հայցում է քաղաքացիների ներողամտությունը»,- հայտարարում են քաղաքապետարանում:

Հեղինակ - Anna Badalian

Հասարակական