Վրաստանում Ամերիկայի Միացյալ Նահանգների դեսպան, Քելլի Դեգնանը քաղաքական կուսակցություններին խորհուրդ է տալիս ստորագրել կենտրոնական ընտրական հանձնաժողովի կողմից մշակված վարքի օրենսգիրքը:

Նրա խոսքով, վարքի օրենսգիրքը կնպաստի ազատ, արդար և թափանցիկ ընտրությունների անցկացմանը:

«Կարծում եմ, որ սա շատ լավ նախաձեռնություն է, և կենտրոնական ընտրական հանձնաժողովն արժանի է գովասանքի: Իմ կարծիքով, դա արտացոլում է որոշակի հիմնական սկզբունքներ, որոնք կնպաստեն ազատ, արդար և թափանցիկ ընտրությունների անցկացմանը: Ուստի խորհուրդ եմ տալիս կողմերին ստորագրել վարքի օրենսգիրքը», – ասաց Քելլի Դեգնանը:

Վրաստանի կենտրոնական ընտրական հանձնաժողովը, միջազգային գործընկերների օգնությամբ և քաղաքական կուսակցությունների մասնակցությամբ, մշակել է քաղաքական կուսակցությունների վարքի օրինագիծ:

Ինչպես հայտարարում են ԿԸՀ-ում, փաստաթուղթը հիմնված է համընդհանուր ճանաչված ընտրական էթիկայի սկզբունքների վրա և ներառում է արդար, պատշաճ մրցակցության, ընտրողների և մասնակից կուսակցությունների իրավունքների հարգման, օրենսգրքի և ներկուսակցական հարկադիր կատարման մեխանիզմները վերահսկելու մասին համաձայնագիր: