Կրթության, գիտության և երիտասարդության նախարար Գիվի Միքանաձեն Իմերեթիի տարածաշրջանի հանրակրթական դպրոցների աշակերտների ծնողների հետ հանդիպում է անցկացրել
Վրաստանի կրթության, գիտության և երիտասարդության նախարար Գիվի Միքանաձեն Զեստափոնի քաղաքում հանդիպում է անցկացրել հանրակրթական դպրոցների աշակերտների ծնողների հետ:
Նախարարը ծնողներին մանրամասն տեղեկատվություն է տրամադրել հանրակրթության և բարձրագույն կրթության ոլորտում ընթացող բարեփոխումների մասին և նրանց հետ քննարկել բարեփոխումների շրջանակներում իրականացվելիք նախաձեռնությունները:
Գիվի Միքանաձեն առանձնահատուկ ուշադրություն է դարձրել դպրոցական համազգեստի հետ կապված հարցերին, դասագրքերի բովանդակության բարելավմանը, մասնագիտական կրթության հզորացմանը և պետական համալսարաններում անվճար ուսուցման ապահովմանը:
Հանդիպումը շարունակվել է հարց ու պատասխանի ձևաչափով, և ծնողները հնարավորություն են ունեցել նախարարից մանրամասն տեղեկություններ ստանալ իրենց համար կարևոր թեմաների վերաբերյալ:
Հանդիպմանը մասնակցել են Զեստափոնիի, Թերջոլայի, Բաղդաթիի, Խարագաուլիի և Տղիբուլիի մունիցիպալիտետների հանրակրթական դպրոցների աշակերտների ծնողները:
Հանդիպմանը ներկա են եղել Իմերեթիի տարածաշրջանում պետական լիազոր Լևան Զալկալիանին, Տղիբուլիի, Թերջոլայի, Զեստափոնիի և Բաղդաթիի մունիցիպալիտետների պատվիրակ Զվիադ Շալամբերիձեն, Զեստափոնիի մունիցիպալիտետի քաղաքապետ Վախթանգ Ղամբաշիձեն, Զեստափոնիի մունիցիպալիտետի սակրեբուլոյի նախագահ Մալխազ Շերգելաշվիլին և Իմերեթիի տարածաշրջանում լիազորի տեղակալ Գիորգի Դալաքիշվիլին:
Տեղեկատվությունը տարածում է Վրաստանի կրթության, գիտության և երիտասարդության նախարարությունը: