Կրեմլը պաշտոնական տեղեկատվություն է հրապարակել Վլադիմիր Պուտինի և Շառլ Միշելի հեռախոսազրույցի մասին
Կրեմլը պաշտոնական տեղեկատվություն է հրապարակել ՌԴ նախագահ Վլադիմիր Պուտինի և Եվրոպական խորհրդի նախագահ Շառլ Միշելի հեռախոսազրույցի մասին։
Կրեմլը տեղեկության մեջ խոսվում է Վլադիմիր Զելենսկու և Վլադիմիր Պուտինի դեմ առ դեմ հանդիպման վերաբերյալ Շառլ Միշելի կոչի մասին։ Կրեմլը նշում է, որ հանդիպումը կախված է Ռուսաստանի և Ուկրաինայի միջև ընթացող բանակցությունների կոնկրետ արդյունքից:
«ՌԴ նախագահը կրկնել է իր հայտնի դիրքորոշումը, որ նման հնարավորությունը կախված է, մասնավորապես, Ռուսաստանի և Ուկրաինայի ներկայացուցիչների միջև բանակցությունների կոնկրետ արդյունքից, որի ընթացքում ուկրաինական կողմը ցուցաբերում է անհետևողականություն և պատրաստ չէ փոխադարձ ընդունելի լուծումներ փնտրել», – ասված է Կրեմլի հայտարարության մեջ։
Տեղեկությունը վերաբերում է նաև «Ազովստալ» գործարանի արդյունաբերական գոտում գրոհը չեղարկելու հրամանին։
«Մարիուպոլի ազատագրումից հետո, մարդասիրական նկատառումներով, հրաման է արձակվել չեղարկել հարձակումը «Ազովստալ» գործարանի արդյունաբերական գոտու վրա»,-ասել են Կրեմլում։
Տեղեկատվության համար, Եվրոպական խորհրդի նախագահ Շառլ Միշելը սոցցանցերում հայտնել է, որ հեռախոսով խոսել է ՌԴ նախագահ Վլադիմիր Պուտինի հետ։ Ըստ հայտարարության՝ Շառլ Միշելը կոչ է անում Վլադիմիր Պուտինին Զատկի տոնի կապակցությամբ անհապաղ հումանիտար մուտք հասանելիություն ապահովել Մարիուպոլ և պաշարված այլ քաղաքներ։