Կրեմլը համաձայն է Դոնալդ Թրամփի այն հայտարարության հետ, որ «Կիևը հետաձգում է հակամարտության խաղաղ կարգավորումը»։

Ինչպես ասել է Կրեմլի խոսնակ Դմիտրի Պեսկովը, ժամանակն է, որ Վոլոդիմիր Զելենսկին պատասխանատվություն ստանձնի և համապատասխան որոշում կայացնի։

«Այստեղ մենք կարող ենք անկասկած համաձայնվել Թրամփի կարծիքի հետ։ Նախագահ Պուտինը և ռուսական կողմը պահպանում են բացությունը», – ասել է նա լրագրողներին։

Պեսկովը նաև նշել է, որ Ուկրաինայի դիրքը ամեն օր վատթարանում է։

«Կիևի ռեժիմի համար իրավիճակը օրեցօր վատթարանում է, և Կիևի ռեժիմի համար որոշում կայացնելու պատուհանը կրճատվում է։ Ժամանակն է, որ Զելենսկին պատասխանատվություն ստանձնի և համապատասխան որոշում կայացնի», – ասել է նա։

Տեղեկության համար, Դոնալդ Թրամփն ասել է, որ հնարավոր խաղաղության համաձայնագրին խոչընդոտում է ոչ թե Վլադիմիր Պուտինը, այլ Ուկրաինայի նախագահ Վոլոդիմիր Զելենսկին։ Լրագրողը հարցրել է Դոնալդ Թրամփին, թե ինչու չի կարող ավարտվել Երկրորդ համաշխարհային պատերազմից ի վեր Եվրոպայում ամենամեծ ցամաքային հակամարտությունը, որին Թրամփը պատասխանել է ընդամենը մեկ բառով՝ «Զելենսկի»։