Կոնգրեսի Ներկայացուցիչների պալատը հավանություն է տվել ԱՄՆ-ում «Tik-Tok»-ն արգելելու օրինագծին
ԱՄՆ Կոնգրեսի Ներկայացուցիչների պալատը հավանություն է տվել օրինագծին, որը նախատեսում է ԱՄՆ-ում «Tik-Tok»-ի արգելումը։ Օրենքի նախագծին կողմ է արտահայտվել 352, դեմ՝ 65 պատգամավոր։ Օրինագծին դեմ էին 15 հանրապետական և 50 դեմոկրատ օրենսդիրներ։
Օրինագիծը արգելում է TikTok-ը ԱՄՆ հավելվածների խանութներից, եթե սոցիալական մեդիա հարթակը, որն օգտագործվում է մոտ 170 միլիոն ամերիկացիների կողմից, չհեռացվի իր չինական մայր ընկերությունից՝ Byte Dance-ից:
Թե ինչ որոշում կկայացնեն Սենատում, դեռ հայտնի չէ։
Միաժամանակ նախագահ Ջո Բայդենը հայտարարել է, որ կստորագրի օրինագիծը, եթե օրինագիծն արժանանա Սենատի աջակցությունը։ «Tik-Tok»-ի վարչակազմի տվյալներով՝ նրանց ուշադրությունն այժմ ուղղված է դեպի Սենատը։
«Մենք հուսով ենք, որ Սենատը կքննարկի փաստերը, կլսի իր ընտրողներին և կհասկանա տնտեսության վրա ազդեցությունը, յոթ միլիոն փոքր բիզնեսի և 170 միլիոն ամերիկացիների վրա, ովքեր օգտվում են մեր ծառայություններից», – ասվում է հայտարարության մեջ: