Խորհրդարանում այսօր շարունակվելու է կառավարության նորացված կազմին վստահություն հայտնելու գործընթացը:
Օրվա առաջին կեսին նշանակված է չորս կոմիտեների միավորված նիստ, որտեղ կլսեն ներքին գործերի նախարարի թեկնածու Վախտանգ Գոմելաուրիին, պաշտպանության նախարարի թեկնածու Իրակլի Ղարիբաշվիլուն, արդարադատության նախարարի թեկնածու Թեա Ծուլուկիանիին և հաշտեցման և քաղաքացիական հավասարության հարցերով պետական նախարարի թեկնածու Քեթևան Ցիխելաշվիլուն:
Օրվա երկրորդ կեսին անցկացվելու է հինգ կոմիտեների միավորված նիստը, որտեղ լսելու են էկոնոմիկայի նախարարի թեկնածու Նաթիա Թուրնավային, ենթակառուցվածքի նախարարի թեկնածու Մաիա Ցքիտիշվիլուն, գյուղատնտեսության և բնապահպանության նախարարի թեկնածու Լևան Դավիթաշվիլուն, ինչպես նաև ֆինանսների նախարարի թեկնածու Իվանե Մաճավարիանիին:
Սեպտեմբերի 8-ին, կանցկացվի լիագումար նիստ, որտեղ կառավարության հաստատման համար «Վրացական երազանքին» անհրաժեշտ կլինի մոբիլիզացնել 76 պատգամավորի:
Այս պահի դրությամբ, կոմիտեի ձևաչափում արդեն լսել են երեք նախարարի թեկնածուներ Միխեիլ Բատիաշվիլուն, Էկատերինե Տիկարաձեին և Դավիթ Զալկալիանիին: