Վրաստանի ֆինանսների նախարարության քննչական ծառայության աշխատակիցների կողմից Վրաստանի դատախազության հետ համատեղ իրականացված օպերատիվ-հետախուզական միջոցառումների և քննչական գործողությունների արդյունքում առևտրային կաշառակերության փաստով ձերբակալվել է Խարագաուլիի շրջանի «Վրացական երկաթուղիներ»-ի Մոլիթի-Մարելիսի հերթափոխի պետ Ա.Գ.-ն։

Քննչական ծառայության տվյալներով՝ քննությամբ պարզվել է, որ մեղադրյալը քաղաքացուն խոստացել է վաճառել «Վրացական երկաթուղիներ»-ին պատկանող հենարաններ, որի դիմաց պահանջել և շորթել է գումար, որից հետո նա կալանավորվել է։

«Քննությունը շարունակվում է Վրաստանի քրեական օրենսգրքի 221-րդ հոդվածի 4-րդ մասի համաձայն, որը նախատեսում է 4-ից 6 տարի ազատազրկում։

Վրաստանի ֆինանսների նախարարության քննչական ծառայությունը ակտիվորեն վարում է խիստ քրեական քաղաքականություն ֆինանսատնտեսական ոլորտում կատարված հանցագործությունների և կոռուպցիայի դեմ», – նշվում է տեղեկատվության մեջ։