Քննարկվել են Դմանիսի թանգարան-արգելոցի զարգացման հնարավորությունները
Վրաստանի մշակույթի և սպորտի նախարար Թեա Ծուլուկիանին Դմանիսիի քաղաքապետարան կատարած աշխատանքային այցի ընթացքում այցելել է Վրաստանի ազգային թանգարանի Դմանիսի պատմաճարտարապետական թանգարան-արգելոց։
Նախարարը Դմանիսիի քաղաքապետարանի քաղաքապետ Կոբա Մուրադաշվիլիի, Ազգային թանգարանի տնօրենի առաջին տեղակալ Նիկա Ախալբեդաշվիլիի և գիտնական Ջումբեր Կոպալյանի հետ այցելել է արգելոցի տարածք, որից հետո քննարկել են արգելոցի զարգացման հնարավորությունները։
Դմանիսի թանգարան-արգելոցը Վրաստանի ազգային թանգարանի մի մասն է և միջնադարյան գյուղ է, որտեղ հնագիտական աշխատանքները դեռ շարունակվում են։ Նաքալաքարի վրա պահպանվել են ներքին ամրոց, աշխարհիկ և կրոնական շինություններ։ Բացի միջնադարյան շերտից, Դմանիսում վրացի և արտասահմանցի մասնագետներն ուսումնասիրում են պալեոլիթյան դարաշրջանի 1 մլն 800 հազար տարվա հուշարձանը, որն առանձնանում է վաղ հոմինիդների և բրածո կենդանիների բազմաթիվ մնացորդներով։
1991 թվականից ի վեր Դմանիսիի հուշարձանում հայտնաբերվել են հոմինիդների հինգ գանգ, որոնք երբևէ չեն հայտնաբերվել աշխարհի որևէ այլ հուշարձանում։
Տեղեկությունը տարածում է Մշակույթի նախարարության մամուլի ծառայությունը։