Քելլի Դեգնանը ծաղկեպսակ դրեց Ապրիլի 9-ի հուշահամալիրին
10:39, 09.04.2021
Վրաստանում ԱՄՆ դեսպան Քելլի Դեգնանն այցելեց Թբիլիսիում Ապրիլի 9-ի հուշահամալիր: Նա ծաղկեպսակ դրեց հուշահամալիրին և հարգանքի տուրք մատուցեց 32 տարի առաջ ողբերգաբար զոհվածների հիշատակին:
Ողջ գիշեր, Ռուսթավելի պողոտայում՝ Ապրիլի 9-ի հուշահամալիրի մոտ էին ընդդիմության մի քանի անդամներ և նրանց աջակիցները, ովքեր գիշերում են վրաններում:
Ապրիլի 9-ի ողբերգությունից անցել է 32 տարի: 1989 թ. ապրիլի 9-ի լուսաբացին խորհրդային միության զինցած ուժերի զորքերը ցրեցին բողոքի խաղաղ ցույցարարներին Թբիլիսիի կենտրոնում՝ խորհրդարանի շենքի մոտ, ինչի հետևանքով եղան զոհեր։ Ցրման արդյունքում զոհվել էր 21 մարդ, իսկ հարյուրավոր քաղաքացիներ թունավորվել էին անհայտ գազից:
Ավելի ուշ՝ 1991 թ. ապրիլի 9-ին, Գերագույն խորհուրդը հայտարարեց Վրաստանի պետական անկախության վերականգնման մասին: Ապրիլի 9-ը գրանցվեց Վրաստանի պատմության մեջ` որպես ողբերգության օր, և միաժամանակ Վրաստանի անկախության վերականգնման օր։
