Կարծում եմ, պետական քարտուղարի տեղակալի մեկնաբանություններն արտացոլում են Ամերիկայում, Եվրոպայում և իհարկե, Վրաստանում շահերի և վրդովմունքի մակարդակը,- այս մասին նշել է Վրաստանում ԱՄՆ-ի դեսպան Քելլի Դեգնանը, ԱՄՆ-ի պետական քարտուղարի տեղակալ Սթիվեն Բիգանի հայտարարությունը մեկնաբանելիս:

Դեսպանի խոսքով, 2020 թվականի խորհրդարանական ընտրությունները Վրաստանի համար շատ կարևոր փուլ է:

«Կարծում եմ, բոլորը գիտակցում են, որքան կարևոր են այս ընտրությունները: Վրացիների համար սա հնարավորություն է, ընտրեն առավել ներկայացուցչական խորհրդարան, որտեղ ավելի լավ կլինի ներկայացված հայացքների և շահերի բազմազանությունը: Հուսամ, մեծամասնական թեկնածուներից բացի վրացիներն ուշադրություն կդարձնեն նաև համամասնական ցուցակներին, որն այժմ առավել կարևոր է, քան նախկինում, քանի որ ավելի շատ թեկնածու է առաջադրված: Սա Վրաստանի համար առաջ դրված քայլ է՝ 2024 թվականին լիարժեք համամասնական ընտրություններին անցնելու համար»,- հայտարարել է դեսպանը: