Ռուսթավիի մայրուղու վրա «Քարթուլի մարշի» անդամները անց են կացնում նստացույց և հայտարարում, որ չեն բացի ճանապարհը «Ազգային շարժման» կողմնակիցների համար:

Իրակլի Շիխիաշվիլիի խոսքով, «Ազգային շարժմանը» թույլ չի տրվի այսօր Թբիլիսիում անց կացնել հանրահավաք: Իրակլի Շիխիաշվիլիի հայտարարությամբ, «Ազգային շարժումը» չի ճանաչում, որ նրանք հանցագործություններ, բռնություններ են գործել սեփական ազգի ու երկրի նկատմամբ:

«Ազգային շարժումը» չի կարողանա անց կացնել իր հավաքը, մանավանդ որ դա հանցագործ ուժ է, որը երկար ժամանակ փորձում էր հասարակությանը ասել, որ մենք սխալներ ենք թույլ տվել, սակայն նրանք չեն ընդունում, որ նրանք բռնություն են գործել, հանցանքներ գործել իրենց ազգի և երկրի դեմ, տարածքներ վաճառել, վաճառել են Գարեջին: Նրանք բռնաբարել են իրենց սեփական բնակչությանը: Այսօր մենք ասում ենք, որ նրանք չեն անցնի այս ճանապարհով և չեն կարողանա հանրահավաք անել Թբիլիսիում,- հայտարարել է Իրակլի Շիխիաշվիլին:

Տեղում կենտրոնացված են իրավապահները:

«Ազգային շարժման» և միավորված ընդդիմության հավաքը ազատության հրապարակում սկսվել է ժամը ՝ ժամը 18:00-ին: