Քաղաքական գործընթացը ցույց կտա, որ ընդդիմության մեծ մասը կմտնի խորհրդարան. Ալեկո Էլիսաշվիլի
Քաղաքական գործընթացը ցույց կտա, որ ընդդիմության մեծ մասը կմտնի խորհրդարան, – այս մասին «Պալիտրանյուսի» եթերում հայտարարել է «Մոքալաքեեբի» կուսակցության առաջնորդ Ալեկո Էլիսաշվիլին:
Ինչպես նշել է Ալեկո Էլիսաշվիլին, նախքան ընդդիմության խորհրդարան մտնելը, «Վրացական երազանքը» ստիպված կլինի վճարել քաղաքական գին՝ վատ անցկացված ընտրությունների համար:
«Ես ոչ մեկի վրա չեմ ուզում մատով ցույց տալ, բայց գործընթացը ցույց է տալիս, որ ընդդիմության մեծ մասը կմտնի խորհրդարան: Մենք պետք է ներս մտնենք, մարդիկ քվեարկել են, որ մենք աշխատենք խորհրդարանում: Բայց մինչ մենք կմտնենք, «Վրացական երազանքը» ստիպված կլինի վճարել քաղաքական գին, վատ անցկացված ընտրությունների համար: Երկու ամիս պայքարել ենք: Հետ ենք մղել «Վրացական երազանքըին», այդ ամենը ջուրը չենք գցի: Գիտե՞ք երեկ մեզ ինչ ասաց Քելլի Դեգնանը: Մտածեք քիչ այդ մասին: Այս երկրի հիմնական խնդիրն այն է, որ ընտրությունները կեղծվում են, բոլոր մտքերը որոնք կարող են բարելավել ընտրական տարածքը, մենք դրել ենք սեղանին: Դեսպանների ջանքերով և բողոքի ցույցերով, «Վրացական երազանքը» հետ քայլ կատարեց և ասաց. Այո, գալիս եմ այս ընտրական կանոններին ընդառաջ: Սա փոքր պատմությու՞ն է: Երկիրը դրանով կշնչի: 30 տարի անց ամենակարևորն այն է, որ ընտրություններն անցկացվեն ազնիվ»,- հայտարարել է Էլիսաշվիլին: